NADHOMAN BAHASA SUNDA BUAT DI MUSHOLLA KETIKA MENUNGGU JAMAAH UNTUK SHOLAT BERJAMAH SEMOGA BERMAKNA

(Bakti Ka Indung Bapa)

Eling-eling kabeh umat,ka Allah anjeun sing toat

Ka indung bapa sing hormat,supaya anjeun salamet

Sabab ku indung jeung bapa,anjeun hirup boga rupa

Panga bisa rupa-rupa,nimat ku anjeun ka tampa

Sing inget ka jasa indung,salapan bulan ngakandung

Di belaan ripuh bingung,kanyaah na taya tung-tung

Bapa nu ripuh ka siksa,usaha sabisa-bisa

Kacape geus teu di rasa,tapi henteu putus asa

Najan pinter najan hebat,kajeun gagah luhur pangkat

Ka indung bapa hianat,pasti bakal meunang laknat

Indung wajib di punjung na,bapa wajib di hormat na

Surga jeung kabeh nikmat na,handapeun dampal sukuna

(Salah Niat)

Dawuh gusti kanjeng Nabi,jalma nu nyiar pangarti

Tilu galau nganu rugi,naraka tempat na pasti

Hiji niat ka agulan,ilmu pikeun ka sombongan

Keur ngelehkeun anu lian,atawa keur nyingsieunan

Dua butuh pangaleman,hadiah jeung panghargaan

Jeung hayang meunang sebutan,estu taya ka ikhlasan

Tilu keur modal tipuan,ngabobodo jalma lian

Keur ngahontal ka mewahan,kabeungharan ka dunyaan

Ka hade sing ati-ati,dina milari pangarti

Niat na sing ikhlas pasti,ulah siga anu tadi